Kontrata që Real Madridi ishte gati t’i ofronte Lewandowskit, të gjitha detajet

23:42 | 2 Gusht 2020
Arbresh Info

Janë publikuar detaje nga kontrata që Real Madrid ishte gati t’i ofronte Robert Lewandowskit kohë më përpara.

Kontrata daton në dhjetor të vitit 2013 dhe përfshin informacione si rroga e lojtarit, bonuset dhe kohëzgjatja e saj.

Kur kontrata po përgatitej nga drejtuesit e Real Madridit, Lewandowski kishte arritur marrëveshje personale me Bayern Munich. Kontrata u zbulua nga mediat polake dhe tregojnë se Lewandowski do përfitonte një rrogë prej 9.6 milionë euro në sezon deri në vitin 2020. Kontrata që ishte gati për sulmuesin polak përfshinte edhe bonuse që arrinin deri në 10 milionë euro.

Në kontratë kishte edhe disa gjëra të ndaluara për Lewandowskin siç ishte drejtimi i motorrit, skitë, drejtimi i motorrit të ujit apo edhe ngjitja nëpër male. Gjithsesi polaku nuk e nënshkroi kurrë këtë kontratë pasi preferoi një kalim tek Bavarezët.

 

Shpërndaje në rrjete sociale

Lajmet më të lexuara

Të ngjashme

Foto lajm